Y Coleg Merthyr Tudful ar restr fer Gwobr Addysgu Proffesiynol
Mae'r Coleg Merthyr Tudful yn falch o gyhoeddi bod ei Dîm Ysbrydoli wedi cyrraedd y rhestr fer ar gyfer y categori Gwobrau Addysgu Proffesiynol, Ymgysylltu â Dysgwyr mewn Ysgol/Coleg. Mae'r wobr, sy'n ceisio cydnabod unigolyn, tîm neu ysgol/coleg sydd wedi dangos dull rhagorol o helpu i wella ymgysylltiad a phresenoldeb dysgwyr, yn dangos yr effaith gadarnhaol y mae'r tîm wedi'i chael ar ddysgwyr yn y coleg ac ar draws Merthyr Tudful yn ei gyfanrwydd. Wrth sôn am y rhestr fer, dywedodd Rhian Francis, Pennaeth Lles a Chymorth i Ddysgwyr, "Mae cyrraedd y rhestr fer ar gyfer y wobr hon yn dyst i waith caled a phenderfyniad y tîm i sicrhau bod gan bob dysgwr fynediad at y gefnogaeth sydd ei hangen arnynt i'w helpu i gyflawni eu potensial llawn. Mae'r tîm wedi bod yn amhrisiadwy wrth sicrhau bod dysgwyr sydd mewn perygl o ymddieithrio neu sydd angen cymorth lles, yn gallu parhau a chwblhau eu hastudiaethau'n llwyddiannus." Bydd y tîm, sydd ar y rhestr fer ochr yn ochr â Choleg Gŵyr ac Ysgol Gatholig yr Esgob Vaughan, Abertawe, yn darganfod a ydynt wedi ennill y wobr yn seremoni Gwobrau Addysgu Proffesiynol yr Wyddgrug ar 14 Gorffennaf.
