Eisiau astudio’n agosach i’ch cartref? Ni fu amser gwell i ddewis Y Coleg Merthyr Tudful ar gyfer y cam nesaf ar eich taith addysgol!
Os ydych newydd orffen eich lefel A neu gymhwyster galwedigaethol lefel 3, eisiau cryfhau eich sgiliau neu gymwysterau neu’n chwilio am newid yn eich gyrfa, rydym yn cynnig cyfle i gael cymhwyster o safon prifysgol yn eich coleg lleol – gan roi help i chi aros yn agos at adref ac addasu eich astudiaethau o gwmpas eich gwaith, teulu ac ymrwymiadau eraill.
Gydag amrywiaeth eang o gyrsiau – o Gelf a Dylunio i Fusnes, Cyfrifyddiaeth, Cyfrifiadura, Seicoleg, Gofal ac Astudiaethau Plentyndod, mae gennym ni rywbeth at ddant pawb. Ar ben hynny, nod ein dosbarthiadau bach, staff profiadol o safon uchel a chymorth rhagorol yw sicrhau y bydd pob dysgwr yn cael y profiad dysgu gorau oll er mwyn iddynt allu gwireddu eu potensial eithaf.
Mae ein canlyniadau yn Arolwg Cenedlaethol y Myfyrwyr yn tystio i hyn gyda thros 81% o ddysgwyr yn datgan eu bod yn fodlon gyda’u profiad ar eu cwrs addysg uwch yn ystod 2020-2021, er gwaetha’r heriau a gafwyd gyda Covid.
Mae gennym gysylltiadau partneriaeth cryf gyda Phrifysgol De Cymru, gan roi cyfle i bob dysgwr ddefnyddio adnoddau dysgu a chyfleusterau’r brifysgol gyda’r dewis o fynd ymlaen i drydedd flwyddyn atodol i gael Gradd Baglor, os ydynt yn dymuno. Yn ogystal, mae’r coleg hefyd yn cynnig y Radd Fusnes BA Anrh Atodol a’r Radd Ymarfer Celf BA Anrh Atodol, gan roi’r dewis i ddysgwyr i gwblhau’r rhaglen radd lawn dair blynedd ac ennill Gradd BA Anrh.
Gwnaeth y dysgwr Cameron Sullivan gwblhau ei Radd BA Anrh mewn Astudiaethau Busnes ym mis Mehefin eleni. Meddai Cameron “Wedi bod yn y coleg am bedair blynedd, yn fy mhrofiad i roedd yr amgylchedd dysgu yn un dymunol a chroesawgar. Mae’r tiwtoriaid yn gefnogol ac yn galonogol, gan ychwanegu gwir werth at y profiad o ddysgu ble ‘does dim byd yn ormod o drafferth iddyn nhw. Roedd y cwrs yn heriol ond yn hynod ddifyr gan hwyluso fy nysgu ac ychwanegu at y profiadau oedd eisoes gen i. Rhwng popeth rwyf wedi mwynhau bod yn fyfyriwr yn y coleg, gan ennill y cymhwyster hwn a meithrin perthnasoedd newydd gyda myfyrwyr a thiwtoriaid fel ei gilydd. Yn ogystal â hyn, mae cyfleusterau’r coleg a’r gwasanaethau a ddarperir gan y staff cymorth yn rhagorol. Byddwn yn argymell i unrhyw un gymryd cwrs yn y coleg oherwydd ei allu i annog cyrhaeddiad o’r safon uchaf ac ar yr un pryd yn creu amgylchedd diogel i ddysgu a datblygu.”
Gydag amrywiaeth o grantiau, benthyciadau a bwrsarïau ar gael i helpu gyda ffioedd cwrs a chostau byw, gallai astudio hefyd gostio llai na fyddech yn tybio.
Mae gwneud cais yn hawdd, gallwch fynd ar-lein ar ein tudalen AU benodedig ar ein Gwefan:
https://www.merthyr.ac.uk/en/higher-education/
neu dewch i’n sesiynau gwybodaeth i siarad gydag un o’n tiwtoriaid Addysg Uwch penodedig ar ddydd Mawrth neu ddydd Mercher Awst 10 neu 11. I archebu un o’r sesiynau hyn, cliciwch ar y ddolen yma: https://bit.ly/2Vvz8y8.
Neu gallwch gysylltu ag un o’n cynghorwyr derbyniadau arbenigol ar 0800 1693825.
Gadewch i’r Coleg Merthyr Tudful eich helpu i gymryd y cam nesaf hwnnw tuag at uchelgais eich gyrfa yn y dyfodol.
Edrychwn ymlaen at gael siarad â chi’n fuan neu at eich gweld yn y sesiynau hyn.
Y Tîm Derbyniadau